Këto janë reagimet emocionuese të Arben Kurtit kur stafi i Ora News u kthye për herë të dytë në shtëpinë e tij.
Lutja e nënës së 45-vjeçarit, qe ai të kishte një karrocë tani u plotësua.
Pas transmetimit të shqetësimit në Ora News, dhjetëra telefonata mbërritën neë redaksi e shumë qytetarë u solidarizuan me rastin e Arbenit.
Tanimë këto pamje janë vetëm e shkuara. Nga sot Arbeni do të qëndrojë në këtë karrocë të dhuruar nga një emigrant shqiptar në Gjermani.
“Falenderoj Ora News bashkë me gazetaren për respektin ndaj djalit tim që më sollët karrocën dhe atë që na ka ndihmuar. U qoftë hallall”.
Gëzimi për këtë familje nuk mbaron këtu. Pasi një qytetar nga Tirana kishte dhuruar 30 mijë lekë për këtë familje.
Edhe pse ndihma është modeste ky është një fillim i ri për Arbenin dhe nënën e tij.